Sadri Keqi dhe Nue Frroku Vriten Nderveti

Paraqitje

Qaj Nua Frroku i djalë i rí
Kapë mãzerren e bjen o n’çarçi ^{(sq. qytet)}
Shkon toe dvetë për dugajxhí ^{(sq. shitës)}
Shkon toe dvetë po për dugajxhí
Për Sadrinë, por ala ^{(sq. èdhè, ende)} s’ka hî

Prita

Ballë për ballë po m’janë neshë çarçí ^{(sq. në qytet)}
‘T’u giatt ieta’ na i thotë Sadrí
‘T’u giatt ieta’ po i thotë ‘Sadrí’
‘Sot ie neshë po n’í djalë t’rí
Njizet vjet ala ^{(sq. ende}) s’kam hî
Izet-e-dý po i bãj me tý

Vrasja

I bjen mãzerre po brî o më brî
E na i derdhë gjakun po n’at çarçí ^{(sq. qytet)}
Plot me gjak po na u çuo (?) kalldrëmi ^{(sq. podgur)}
Met Sadria po na u bã nami ^{(sq. zã, famë, zulmë)}
Na u bã nami ^{(sq. zã, famë, zulmë)}po sot ën kët ditë
U vrá Sadria po me Mirditë
Sadri Keqi po n’at ...(?)
Sall ^{(sq. vetëm)} dhet herë ai po qet livore
Sall dhet herë po livore qiti
E qaj Nuo Frroku po t’madhe briti
“Ku më latë shokë e mos u habitni
Sadri Keqi aj besa mir ma njiti.”

Lajmi i Vrasjes

Nikoll Pjetri nji mustakzí
Dhetçen n’dorë e fishekt në gjî
Shkon toe dvetë aj n’për dugajxhí ^{(sq. shitës)}
Për Nik Tomën besa ku ka hî
Qaj Nik Toma besa n’at shpinë t’atít ^{(sq. kalit)}
Pes dekika ^{(sq. minuta}) ai po ma merr sa-hatin ^{(sq. orën)}
Te shpia e vet e po po m’ia nalë vrapin
Çpejt m’ja çon Kadrisë xhevapin ^{(sq. lajmin)}
Çpejt xhevapin ^{(sq. lajmin)} o besa aj m’ja ka çua
Sot ka vrá po Mërdita mua
As s’kam lanë e besa as s’kam fitua

Po knon qyqja ai besa te selvia
Hej medet ^{(sq. sa keq)} na met Sadria
Mlidhen burrat besa te xhamia (faltore për muslimanët)
E venë n’tabut ^{(sq. arkivol)} e po ma çojnë te shpia
E venë n’tabut aj besa e çojnë n’at kullë ^{(sq. shtëpí alpine)}